2023eko azaroaren 22a
Eg.
2023eko azaroaren 22a
Iñigo Urkullu lehendakariak Finantzen Euskal Institutuaren (FEI) egoitza berria inauguratu du gaur Bilbon. Eusko Legebiltzarrean Finantzen Euskal Institutuaren legea tramitatzen ari den honetan, Jaurlaritzaren “finantza-politika artikulatzen duen tresnaren” sendotzea ekarriko duela adierazi du.
Pedro Azpiazu Ekonomia eta Ogasuneko sailburua eta Arantxa Tapia Ekonomiaren Garapen, Jasangarritasun eta Ingurumeneko sailburua, EAEko 50 bat eragile ekonomiko eta finantzariorekin batera ere izan dira gaurko ekitaldian.
FEIren hiru erronka nagusi azpimarratu dituzte bertan: lege berriaren onarpena, EAEko finantza eta inbertsio klusterra sortzea eta Europako funtsen agente bitartekaria bihurtzea.