ATuAire eta Margube elkarlanean lan egiten ari dira. Lehenengo konpainia Iberdrola taldearena da, zeina espezializatzen den aerotermia-sistemen instalazio eta kudeaketan; bigarrena aholkularitza-enpresa da, jasangarritasunean espezializatutakoa, eta Energia Aurrezkiaren Ziurtagiriaren sistema egiaztatzen du.
Bien arteko lankidetzaren helburua da Arabako enpresei laguntzea deskarbonizazio prozesuak martxan jartzen, beraien emisio kutsatzaileak gutxitu eta energia gutxiago gasta dezaten. Horretarako, bi konpainiek Innova – Descarboniza 2026 dirulaguntza publikoa eskuratzen lagunduko diete.
Deialdi publiko horrek (martxoaren 16an itxiko da dena) enpresen deskarbonizazio prozesuen kostuak ordaintzeko balio du, baita inbertsioak zein gaiari buruzko aholkularitza zerbitzuen gastuak estali ere. Esaterako, enpresek euren makinak modernizatzeko, energia gutxiago eskatzen duten prozesuak abiarazteko edo gas- edo gasolio-galdaren ordez bero ponpa elektrikoak jartzeko (aerotermia) erabil dezakete dirulaguntza hori. Gainera, horrelako ekintzek Energia Aurrezkiaren Ziurtagiriak eskuratzea ahalbidetzen dute kasu askotan.
Iberdrolak eta Margubek prozesu osoan zehar lagunduko dituzte enpresak: dirulaguntza eskuratzeko prozesuan, emisioak gutxitzeko plana sortzen eta ziurtagiriak eskuratzen.