Kostata baino akordio batera iristea lortu dute COP28ko 200 herrialdeak. Erregai fosilak uzten joatea eta trantsizio bat martxan jartzea adostu dute Arabiar Emirerri Batuetab egindako goi bileran. Hainbat herrialdek erregai fosilekin amaitzeko eskaera egin zuten, eta Sultan al-Jaber buru duen lehendakaritzak hauen ekoizpena eta kontsumoa murriztea proposatu zuen.
2050erako karbono neutraltasuna eskuratzea jarri dute helburu bezala. Al-Jaberrek “akordio historikoa” dela adierazi du. Negoziaketak zailak izan dira, hainbat herrialde, tartean Saudi Arabiak, erregai fosilekin amaitzearen aurka azaldu baitira.
Goi bilerako herrialdeek adostutako testuan “erregai fosiletatik kanpoko trantsizioa” aipatzen da, zeina modu “justu eta orekatuan” egitea azpimarratzen den.