Iberdrolak elektrizitatea kargatzeko lau gune berri instalatu ditu Bilboko Guggenheim Museoaren inguruetan, eta bikoitzak direnez, zortzi ibilgailu aldi berean kargatzea ahalbidetuko dute. Horrela, Iberdrolak nabarmendu duenez, Guggenheim Museoak aurrera egiten du iraunkortasunaren aldeko konpromisoan, garraio mota horren erabilera bultzatuz eta CO2 isuriak saihestuz. Ekimen hori "beste urrats bat" da Museoak Iberdrolaren eskutik egin duen ingurumen-jasangarritasunaren aldeko apustuan, 2030 helburuak betetzeko, gaineratu du.
Instalazio horien erabiltzaileek energia %100 berdea duten auto elektrikoen bateria kargatuko dute, sortze berriztagarriko iturrietatik datorrena eta jatorriaren berme-ziurtagiria duena (GdOs). Gainera, kargatzeko puntuak Iberdrola Birkarga Publikoko App-ean daude, eta bertatik kargagailua geolokalizatu, haren eraginkortasuna denbora errealean egiaztatu, eta mugikorretik erreserbatu eta ordain liteke.
Bilboko Guggenheim Museoak beste ekimen batzuk ere jarri ditu abian aurten, hala nola, kanpoko baldintzetara egokitutako tenperatura eta hezetasuna kontrolatzeko parametroen erabilera energia aurrezteko; elementu museografikoak berrerabiltzea eta beste erakunde batzuekin partekatzea; eta erakusketa material batzuk pixkanaka produktu ekologikoagoekin ordezkatzea.
Era berean, joan den apiriletik, bisitarien arretarako pertsonek eta Museoko segurtasun langileek Ecoalfek birziklatutako materialekin egindako uniforme berriak janzten dituzte.
Mugikortasun elektrikoa eta berreskuratze berdea
Iberdrolak badaki elektromugikortasuna bultzatu behar dela Espainian, inplikatutako eragile nagusiekin ekintza "koordinatu eta eraginkor" baten bidez. Ildo horretan, konpainiak azpiegitura hedatzeko 60 akordio baino gehiago egin ditu dagoeneko administrazioekin, erakundeekin, enpresekin, gasolina zerbitzuguneekin, eta ibilgailu elektrikoen fabrikatzaileekin.
Konpainia karga azpiegitura publikoaren buru da, 3.800 puntu baino gehiagorekin –horietatik 1.300, %35 inguruk, 50 kWeko potentzia edo handiagoa dute– eta 2.000 baino gehiago izapidetze egoera desberdinetan. 30.000 karga gune publiko baino gehiago ditu, bizitegi-guneak eta aparkalekuetan eta enpresetan daudenak batuz gero.
Iberdrolak adierazi du ekonomia deskarbonizatzen laguntzen jarraituko duela mugikortasunaren bidez, 2025ean 110.000 puntura iristeko helburuarekin.