Sisteplant industria adimendunarentzako irtenbide eta zerbitzuen garapenean espezializatutako konpainiak, Irizar enpresa buru duen partzuergo batean parte hartuko duela iragarri du. Capital izeneko partzuergoak zero isuriko garraio jasangarrien aldeko apustua egin asmoa du, hirietan %100 elektrikoak diren autobusak sortuz, eta mugikortasunerako hidrogenoaren erabilera ere kontuan hartuz.
Ekimenak 63 milioi euro baino gehiagoko inbertsioa egingo du ibilgailu jasangarrietan, ibilgailu guztien balio-katea diseinu eta konponbide berriekin estaliz eta funtsezko osagaientzako kolaborazioak sustatuz.
Sisteplantek proiektuan egingo duen lanari esker, fabrikazio-lerro berriak sortu ahal izango dira, bai eta lehendik dauden lineak egokitu ere; horretarako, digitalizazio, adimen artifizial, Biki digital, Cloud Ingurune eta fabrikazio aurreratuko teknologia berriak eta industria adimendun sistemak erabiliko dituzte.
Ana Santiago Sisteplant enpresako arduradunak adierazi duenez, “oso pozik” daude industrian berrikuntza eta jasangarritasuna bultzatzeko proiektu batean parte hartzeaz: “Urteak daramatzagu erakundeei industria adimendun eta lehiakorretara bidean laguntza eskaintzen eta, horri esker, bost kontinenteetako lantegi adimendunaren erreferente bihurtu gara. Oraingoa aukera paregabea da automobilgintza sektorean liderrak izateko”.