EnpresaBIDEAko estrategia digitala eta arlo komertziala
Julen Nazabal Aisa Enpresen Administrazio eta Zuzendaritzan Gradua ikasitakoa da Mondragon Unibertsitatean, eta Programa Dualaren parte izandakoa. Unibertsitate berean Marketin Digitaleko masterra egiten ari zela hasi zen EnpresaBIDEAn lanean, lehenik praktiketan eta ondoren langile gisa. Estrategia Digitalaren arduraduna da, eta arlo komertzialean ere aritzen da.
Lehendik, Txalap.ART Ekoizpenak Kooperatibaren finantza administratzaile lanak egin ditu, eta Usurbil Eskubaloi Kirol Elkarteko tramitazio kudeatzailea eta administratzailea ere izan da.
