Gipuzkoako Batzar Nagusietako alderdi politiko guztiak ados jarri dira amiantoagatik emandako kalte-ordainengatik PFEZ pertsona fisikoen errentaren gaineko zerga ordaindu ez dadin. Elkarrekin Gipuzkoak egindako proposamena EAJk eta PSE-EEk babestu zuten aurrena, eta gaurkoan talde guztiek bozkatu dute alde. “Administrazio publikoak ordaindutako beste kalte-ordain mota batzuen tratamendu bera” izan behar duela defendatu du koalizio moreak.
Alderdi guztien babesa izan duen arren, oraindik foru araua aldatu beharra dago, eta hauteskundeen atarian, hurrengo legealdian egin beharko dute aldaketa.
Horrez gain, Espainiako Gobernuari eskatu diote amiantoaren biktimentzako konpentsazio-funtsetik eratorritako indemnizazioak zehaztuko dituen erregelamendua onartzeko, legealdi hau amaitu aurretik.