Bai Euskarari Elkarteak Arabako Enpresen Topaketa antolatu du euskara kudeatzeko praktika onen adibideak ezagutzeko asmoz. Lazarraga Saria irabazi duten hiru enpresa izango dira topaketan: EBA S.L, Electra Vitoria eta Uriarte Industrial.
Eman izena EnpresaBIDEA eta zure helbidean jasoko dituzu berrikuntzarekin lotutako historiak. Gainera, soilik harpidedunentzako hainbat abantailaren berri izango duzu
Lazarraga Sarien bidez, Arabaren esparru sozioekonomikoan euskara txertatzeko eta hedatzeko egindako enpresen lana aitortzen da. Bi urtez behin antolatzen du Bai Euskarari Elkarteak sariketa, Arabako Foru Aldundiaren laguntzarekin.
Halaber, Arabako Enpresen Topaketa irailaren 21ean egingo da Gasteizen, EBA S.Lren egoitzan. Goizeko 9etan hasiko da ekitaldia eta hiru enpresen jarduna ezagutzeaz gain, Aldaialde ikastetxearen obrara bisita ere egingo da.