Portugal iparraldea, Galizia, Asturias, Kantabria, Burgos, Nafarroa, EAE eta Akitania Berriko Merkataritza Ganberek Arku Atlantikoko Merkataritza Ganberen Adierazpena sinatu dute Bilboko Ganberaren egoitzan.Bilera amaitu ondotik, Jose Ignacio Zudaire Ganberako presidenteak dokumentua eman dio Iñigo Urkullu lehendakari eta Arku Atlantikoaren Batzordeko presidenteari.
Ganberetako 17 presidenteek sinatutako adierazpenean, Arku Atlantikoko Batzordeak maiatzaren 23an Cardiffen egindako bileran makro eskualde atlantikoaren eraikuntzan parte hartzeko eragile sozioekonomikoei egindako deiari erantzuten dio.
Hala, Arku Atlantikoa lurralde lehiakorrago, jasangarriago, dinamikoago, irekiago eta konektatuago bihurtzeko indarrak batzen dituztela adierazi dute gaurko lankidetza-foroan.
Era berean, adierazpenaren sinatzaileek zenbait erronka partekatu helarazi dituzte, baita etorkizunera begirako sei lan ildo ezarri ere: konektagarritasuna hobetzea; eragiteko gaitasuna; dibertsifikazioa jasangarria eta ekintzailetza; jasangarritasuna, berrikuntza eta nazioartekotzea; demografia-erronka eta talentua.