Uda bete-betean sartu gara eta atseden hartzeko, deskonektatzeko eta gozatzeko unea da. Horretarako leku berezi horietako bat ezagutzera gonbidatu nahi zaitugu EnpresaBIDEAn: Gaztainuzketa Mendi Etxeak. Ez da urrutira joan beharrik lasaitasunaren bila; Euskal Herrian bertan badaude atseden hartzeko altxor txikiak.
Guztiz hornitutako egurrezko etxetxoak, ehun urtetik gorako pagadien artean ezkutatuak, Leintz-Gatzagaren bihotzean, Gipuzkoa eta Araba artean. Aterpe goxo bat naturaren erdian, erosotasun guztiekin: sukaldea, terraza pribatua, barbakoa… eta, nahiz eta deskonektatzeko toki aproposa izan, hala behar duenarentzat internet konexioa ere badago. Maskotarekin joan nahi baduzu, lasai: espazio libre zabalean jabeek adina gozatuko du!
Parte hartu zozketan eta eskuratu bi lagunentzako bi gaueko egonaldia Gaztainuzketa Mendi Etxeetan. Zeren zain zaude?
Nola parte hartu zozketan?
Zozketan parte hartzeko bi baldintza bete beharko dira. Batetik, EnpresaBIDEAren buletinean harpidetuta egotea. Oraindik harpidetu ez bazara, hemen eman dezakezu izena. Bestetik, behean duzun formularioa betetzea zure datuekin. Formularioa ondo ikusten ez baduzu, egin klik hemen.
Parte hartzeko azken eguna uztailaren 16a izango da. Zozketa, berriz, uztailaren 17an egingo da, eta egun horretan bertan EnpresaBIDEA harremanetan jarriko da zuzenean sarituarekin.
Zorte on parte hartzaile guztiei!