Eustatek eskainitako azken datuen arabera, EAEn, urteko bigarren hiruhilekoan, lehen hiruhilekoan baino 2.500 landun gutxiago eta 1.200 langabe gehiago daude. 2026ko bigarren hiruhilekoan, landunen zifra 1.010.400ekoa izan da, eta langabeen kopurua 74.500koa.
Hartara, Araba, Bizkaia eta Gipuzkoako langabezia tasa %6,9koa izan da azken hiru hilabeteetan, urteko lehen hiruhilekoan baino bi hamarren handiagoa. Halaber, 16 urte edo gehiagoko biztanleriaren jarduera-tasa aurreko hiruhilekoan baino bi hamarren txikiagoa izan da; %56,2koa, hain zuzen. 16-64 urteko biztanleriaren gainean kalkulatutako jarduera-tasa, aldiz, bi hamarren handiagoa izan da, eta %76,8ra iritsi da.
Lurralde historikoen arabera, eta aurreko hiruhilekoarekin alderatuta, Bizkaian 3.200 landun gutxiago daude, Gipuzkoan 1.000 gutxiago, eta Araban, berriz, 1.800 gehiago. Hiriburuei dagokienez, Donostian 1.100 landun gutxiago daude, Bilbon 300 gehiago eta Gasteizen, berriz, 1.900 gehiago.
Okupazioaren jaitsierak emakumeengan izan du eragina, landunen kopurua 5.800 txikiagoa izan baita. Gizonen kasuan, berriz, landunak aurreko hiruhilekoan baino 3.400 gehiago izan dira.
Horrekin batera, landunen kopuruak behera egin du zerbitzuen sektorean (3.300 pertsona gutxiago, hots, –%0,4) eta lehen sektorean (700 pertsona gutxiago, –%7,5). Aitzitik, gora egin du eraikuntzan (1.200 pertsona gehiago, %1,9) eta industrian (500 pertsona gehiago, %0,3).
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta