Gizarte Segurantzan afiliatutako atzerritar kopuruak gora egin du abuztuan Hego Euskal Herrian. 134.207 afiliatua atzerritar zenbatu ditu Espainiako Gobernuko Inklusio, Gizarte Segurantza eta Migrazio Ministerioak. Zehazki, %6,24 egin du gora EAEn (96.618) kotizatzaile kopuruak, eta %5,05 Nafarroan (37.589), iazko epe beraren aldean.
Uztailetik abuztura, berriz, 209 atzerritar afiliatu gutxiago zenbatu dira EAEn (-%0,22), eta 422 gehiago Nafarroan (%1,14). Bizkaiak 46.723 atzerritar afiliatu zituen abuztuan, uztailean baino 14 gehiago (%0,03) eta iazko abuztuan baino 3.319 gehiago (%7,15). Gipuzkoan beste herrialde batzuetako 33.553 pertsonak kotizatu zuten, aurreko hilean baino 69 gehiagok (%0,21) eta urtebete lehenago baino 1.318 gehiagok (%4,09).
Arabaren kasuan, 16.342 atzerritar kotizatzailerekin, adierazle horrek behera egin du uztailarekin alderatuta, 292 gutxiaho (-%1,76), nahiz eta zifra horrek 1.037 afiliatutan gainditzen duen 2023ko abuztukoa (%6,77).
Atzerritar afiliatu gehienak Europako Batasunetik kanpoko herrialdetakoak dira, 101.278, hain zuzen. 75.209 EAEn eta 26.069 Nafarroan, eta Kolonbia, Maroko, Ekuador, Nikaragua eta Venezuelatik datoz pertsona gehienak.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta