Apirilean apur bat jaitsi baziren ere, berriz ere hazi dira prezioak, eta ondorioz, baita inflazioa ere. Urte arteko tasa % 8,7koa izan da maiatzean, INE Espainiako estatistika institutuak aurreratu duenez, eta apirilean, ordea, % 8,3koa izan zen. Kontsumo prezioaren indizeari dagokionez, % 0,8 hazi da aurreko hilabetetik. 2018tik inflazioaren gorakada handiena da maiatzean, baina, igo egin bada ere, martxoko % 9,8ko datutik urrun dago oraindik, azken 37 urteetako altuena.
Gorakada izan da erregaiak eta elikagaiak garestitu egin baitira. Erregaien kasuan, batez beste litroko 1,94 euroan zegoen gasolina joan den astean, berriro prezioak hautsita, eta % 1,867 euroan gasolioa, azken hau % 1,06 jaitsi bada ere. Argindarrak, ordea, apur bat behera egin duela dirudi iazko datuekin erkatuta.
Azpiko inflazioari dagokionez, % 4,9 hazi dela dirudi aurreikuspenen arabera. 1995eko urritik daturik altuena litzateke. Inflazio honek ez ditu kontuan hartzen elaboratu gabeko elikagaiak eta produktu energetikoak.
Behin betiko datuak ekaina erdi aldera ematen ditu INEk.