Osakidetzako langileen gehiengo sindikalak irailean iragarri zuen greba eta mobilizazioekin aurrera jarraitzen du. Gaur, SATSE, ELA, LAB, CCOO eta UGT sindikatuek deituta, langileek elkarretaratzeak egin dituzte ospitaleetan eta Lehen Mailako Arreta zentroetan.
Sindikatuek bidalitako ohar baten bidez jakinarazi dute langileek beren haserrea erakutsi dutela elkarretaratzeetan eta Osakidetzari sakoneko hobekuntzak eskatu dizkiotela. Ostiralean egindako Mahai Sektorialean aurkeztutako proposamenak nahikoak ez direla adierazi dute langileek.
Gehiengo sindikalak ohartarazi duenez, abenduaren 2ko mahai sektorialean aurrerapausorik ematen ez bada, abendurako deitutako greba egunei eutsiko diete: abenduaren 9an Araban, 10ean Bizkaian, 11n Gipuzkoan eta 14an Osakidetza osoan. Gogoratu behar da beren lan-baldintzak eguneratu gabe 17 urte baino gehiago daramatzatela. Sindikatuek salatu dute negoziazioak ez duela aurrera egiten eta Osakidetzako Zuzendaritzak eta Osasun Sailak egindako proposamenek ez dituztela funtsezko gaiak barneratzen.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta