Ulma Taldeak zuzendaritza aldaketa egingo du, "jarduera oso dibertsifikatua eta nazioarteko presentzia sendotua dituen unean", hain zuzen ere. Iñaki Gabilondoren agintaldian, "taldearen kohesioa sendotu" dela azaldu dute, eredu kooperatiboa finkatu eta etorkizunerako oinarri estrategikoak zehazteaz gain. Ibon Calvo presidenteak eskerrak eman dizkio egindako lanagatik, eta Aitor Ayastuyri buruz adierazi du “bere bultzada gure etorkizuneko garapenerako erabakigarria” izango dela.
Aldaketa modu "ordenatuan" gauzatuko da, Ayastuyk Gabilondoren babesa izango baitu trantsizioan, egonkortasun operatiboa eta jarraitutasun estrategikoa bermatzeko. Ulma Constructioneko zuzendari exekutibo izan da 2008tik, eta nazioarteko esperientzia zabala eta taldearen "ezagutza sakona" ditu, 18 urtez Zuzendaritza Kontseiluan aritu ondoren. Arrasaten jaioa, Enpresa Zientzietan lizentziatua da EHUn eta MBA International masterra du, eta 1995etik Ulman garatu du bere ibilbide profesionala, Oñatin zein nazioartean.
