Ampeak eta Rural Kutxak Arabako emakumeen ekintzailetza sustatzeko elkarlan akordioa itxi dute. Bi erakundeek hainbat egitasmo egingo dituzte, hala nola Who is Who izeneko gida-liburua, Konekt Lab espazioa edota Ampea Mentoring Lab proiektu pilotua.
Ampea Arabako emakume enpresari eta profesionalen elkartea da, 1993an sortua, eta lurraldeko emakumeen lidergoa eta talentua hauspotzeko lanean aritu da. Azaldu dutenez, Rural Kutxarekin lortutako akordioa babes handia da emakumeentzat “aukerak sortzen" jarraitzeko, "erreferente berriak" izateko eta "hazkunderako espazioak” bermatzeko.
Bestalde, Rural Kutxak adierazi du aliantza honen bidez inpaktu soziala duten egitasmoak babesten jarraitzen duela, kasu honetan, Arabako enpresa ehuna indartzeko balio duen egitasmoarekin.