Talgori ezarritako 116 milioi euroko isuna geroratzeko edo zatikatzeko aukerak aztertzen ari da Renfe. Helburua da enpresari denbora gehiago ematea berrantolatzeko eta bete gabe dituen konpromisoak gauzatzeko. Informazio hori Garraioetako estatu idazkari David Santanok berretsi du Espainiako Enpresaburu Elkarteen Konfederazioaren (CEOE) turismo jardunaldiaren inaugurazioan. Renferen isuna jartzeko arrazoia da garai batean eskatutako trenak hitzartutako epean egin ez izana.
Santanok adierazi du baztertuta dagoela isuna guztiz kentzea, Renfe enpresa publikoa den heinean bere garaian ezarritako kontratuen mende dagoelako. Hala ere, zorra kobratzeko malgutasun handiagoa ematea aurreikusten du, “Talgok aurrera egin dezan”. Gaineratu du konfiantza duela José Antonio Jainaga Sidenorren presidentearengan, uste duelako Talgo gai izango dela Jainagaren zuzendaritzapean egungo erronkei aurre egiteko, “esperientzia zabala baitu industrian”.