2026ko ekainaren 26a - 15:52
Tubos Reunidosen enplegu erregulazio espedientea ez zela abiatuko zehaztu zuen PKF Attest konkurtso-administratzaileak hilaren hasieran, eta, beraz, espedientearen aurka sindikatuek jarritako helegiteak ere ez du aurrera egingo. Gauzak horrela, enplegu erregulazio espedientearen aurkako demanda artxibatu egin du gaur EAEko Justizia Auzitegi Nagusiko Lan Arloko Salak. Uztailean ahozko epaiketa egitekoa zen.
Gehiago jakin nahi baduzu
Demandatzaileek (ELA, LAB, FICA-UGT eta ESK sindikatuak) eta demandatuek (Tubos Reunidos eta PKF Attest) idazki bateratua aurkeztu zuten auzitegian, eta prozedura artxibatzeko eskatu. Espainiako fiskaltzak ere prozedura amaitzearen aurka ez zegoela adierazten zuen dokumentua aurkeztu zuen. Auzitegiak eskaera onartu du.